कंत्राटदारांचेच नियोजन
अर्जुनी-मोर. ( सुरेंद्रकुमार ठवरे ) अर्जुनी-मोर. पंचायत समिती सध्या विविध कारणांनी गाजत आहे. आज 10 नोव्हेंबरला 20 लक्ष रुपये निधीच्या दोन विकास कामाचे भूमिपूजन पंचायत समितीच्या आवारात असताना व भूमिपूजन कार्यक्रमाला आमदार बडोले व जिल्हा परिषद अध्यक्ष भेंडारकर स्वतः येत असताना पंचायत समिती पदाधिकाऱ्यांना व पंचायत समितीमधील अधिकारी व कर्मचारी यांना कोणत्याही गोष्टीची चाहूल लागू नये त्यामुळे शिष्टाचाराचा भंग तर झाला नाही ना? अशा चर्चा आता सुरू झाल्या असून अनेक पदाधिकाऱ्यांनी सदर प्रतिनिधी जवळ नाराजी व्यक्त करीत सध्या पंचायत समितीवर कंत्राटदारांचेच वर्चस्व राहील का अशा चर्चांना आता उधाण आला आहे.
याबाबत मिळालेल्या माहीतीनुसार आज 10 नोव्हेंबर ला अर्जुनी-मोर. पंचायत समिती आवारात गोंदिया जिल्हा परिषद अंतर्गत आवारभिंत 10 लक्ष,व सिमेंटरस्ता बांधकाम 10 लक्ष रुपये निधीच्या बांधकामाचे भुमीपुजन आमदार ईंजी.राजकुमार बडोले यांचे हस्ते,जि.प.अध्यक्ष लायकराम भेंडारकर यांचे अध्यक्षतेखाली संपन्न झाले.भुमिपुजन फलकावर पं.स.सभापती, उपसभापती, महिला व बालकल्याण सभापती सौ.पोर्णिमाताई
ढेंगे यांचेसह संपुर्ण पं.स.सदस्यांची नावे लिहिण्यात आली.मात्र सभापती उपसभापती वगळता एकाही सदस्यांना निमंत्रण देण्यात आले नाही.असी माहीती आहे.या भुमिपुजन कार्यक्रमाला आमदार व जि.प.अध्यक्ष येणार होते.हे माहीत असतांना सुध्दा सभापती मॅडम ला अर्ध्या तासापुर्वी तर गटविकास अधिकारी मॅडमला 10 मिनीटापुर्वी फोन जातो तर पंचायत समीती सदस्यांना फलकावर नांव असतांना सुध्दा भुमीपुजन कार्यक्रमाचे साधे निमंत्रण व फोन सुध्दा करण्यात आले नाही.यावरुन काय समजावे.कुणाची मनमानी तर चालली नाही ना? अशा चर्चा सुरु झालेल्या आहेत.
या भुमिपुजनाचे आयोजन व नियोजन कुणी केले हे सध्या गुलदस्त्यात आहे.पं.स.च्या आवारात हे बांधकाम असतांना व आमदार व जि.प.अध्यक्ष येत असतांना संबधीत गटविकास अधिकारी व कर्मचारी यांना माहिती नसणे ही एक शोकांतिकाच म्हणावी लागेल.याबाबत पंचायत समितीचे माजी उपसभापती,व पं.स.सदस्य होमराज पुस्तोळे,व नुतनलाल सोनवाने ईतर सदस्यांना भ्रमणध्वनीवरून विचारले असता आम्हाला कुणीच सांगीतले नाही व फोनसुध्दा आला नाही असी प्रतिक्रिया दिली.तर नुतन सोनवाने कामानिमित्त पंचायत समीती मधे गेले असता त्यांना वेळेवर भुमीपुजनाची माहीती कळली.तर महिला व बालकल्याण सभापती पोर्णिमाताई ढेंगे व जि.प.सदस्य जयश्रीताई देशमुख ह्या गोंदियाला जात असतांना आमदार साहेब व अध्यक्ष साहेब आले आहेत हे समजल्यावर त्यांनी कार्यक्रम स्थळी हजेरी लावली.त्यामुळे या भुमिपुजन कार्यक्रमाचे आयोजक कोण,नियोजन कुणी केले,पदाधिकाऱ्यांना कां बोलविण्यात आले नाही,तालुक्यावर कंत्राटदारांचे वर्चस्व तर वाढत नाही ना ? अशा चर्चांना आता उधाण आले आहे.
