अर्जुनी/मोरगाव: ( सुरेंद्रकुमार ठवरे ) स्थानिक सरस्वती विद्यालय व कनिष्ठ महाविद्यालय तसेच एस.डी. कॉन्वेंट,जी.एम.बी.विद्यालय व कनिष्ठ महाविद्यालय यांच्या संयुक्त विद्यमाने वंदे मातरम गीताला 150 वर्षे पूर्ण होण्याच्या निमित्ताने सामूहिक वंदे मातरम गीत गायन करण्यात आले. याप्रसंगी अध्यक्षस्थानी शाळेचे प्राचार्य जे.डी.पठाण तर प्रमुख उपस्थिती उपप्राचार्या अर्चना गुरुनुले,पर्यवेक्षक शिवचरण राघो॔ते, शव्या जैन,कल्पना भूते यांची होती. सर्वप्रथम वंदे मातरम या गीताची माहिती व महत्त्व शिक्षिका दिपाली गोल्लीवार यांनी दिली.त्यानंतर वंदे मातरम या गीताचे संपूर्ण तीन कडव्यांचे सामूहिक गायन करण्यात आले. तसेच भारतीय स्वातंत्र्याचा इतिहास यावर प्रदर्शनीचे आयोजन करण्यात आले. सदर प्रदर्शनीत शिक्षक व विद्यार्थ्यांनी उत्स्फूर्त सहभाग घेतला. मान्यवर अतिथींनी प्रदर्शनीचे अवलोकन करून विद्यार्थ्यांचे कौतुक केले. वंदे मातरम या गीता मधून आपल्याला आपल्या भारत मातेची महंती कळते असे अध्यक्षीय मार्गदर्शन प्राचार्य जे.डी.पठाण यांनी केले.तसेच स्काऊट गाईड स्थापना दिवस सुद्धा यावेळी साजरा करण्यात आला. यावेळी स्काऊट गाईड चळवळीची माहिती स्काऊट विभाग प्रमुख सुजित जक्कुलवार यांनी दिली व या दिनाचे औचित्य साधून वेगवेगळे उपक्रम घेण्यात आले. कार्यक्रमाचे संचालन करून आभार दिपेश्वरी मेंढे यांनी मानले.कार्यक्रमाच्या यशस्वीतेसाठी सर्व शिक्षक वृंदांनी परिश्रम घेतले.
